Елімізде жеңілдетілген ипотекалық бағдарлама әзірленеді

Ақорданың “Twitter”-де жариялаған мәліметіне сәйкес, Мемлекет басшысы Екібастұзда өтіп жатқан моноқалаларды дамыту мәселелеріне арналған жиналыста қоныс аударушыларға жеңілдетілген ипотекалық бағдарлама әзірлеу керектігін атап айтты.

“Мемлекеттік тұрғын үй саясаты аясында даму әлеуеті төмен моноқалалардан қоныс аударушыларға арналған жеке бөлім болуы тиіс. «Отбасы» банкі инструментарийінде мұндай азаматтарға бастапқы жарнасы 10% және сыйақы мөлшерлемесі 2-ден 5%-ға дейін болатын жеңілдетілген ипотека бағдарамасын қарастыруы қажет. Үкімет әкімдіктермен бірге бұл бастаманы жан-жақты пысықтау керек», – деді Қасым-Жомарт Кемелұлы.