Қазақстандықтар "әдемі" автокөлік нөмірлеріне 4,3 миллиард теңге жұмсаған

"Жыл басынан бері "Азаматтарға арналған үкіметтің" арнайы бағалары арқылы 4 миллиард 385 миллион теңгеге жоғары сұранысқа ие 15 320 мемлекеттік нөмір рәсімделді. Жоғары сұранысқа ие нөмірлік белгілерді көбіне алматылықтар - 5 053, шымкенттіктер - 2 371 және астаналықтар - 1 757 сатып алған", - делінген хабарламада.

Баспасөз қызметі өткен жылмен салыстырғанда VIP мемлекеттік нөмірлер көбірек сұраныста екенін атап өтті. 

"2020 жылы 3 миллиард 29 миллион теңгеге жоғары сұраныстағы 9 141 мемлекеттік нөмір берілді. Алматыда - 3 122, Шымкентте - 1 357 және Астанада-1 235 мемлекеттік нөмір сатылды. Ең аз сұраныс Алматы облысында - тек 61 мемлекеттік нөмір сатылды", - деді Мемлекеттік корпорация өкілдері.

Мемлекеттік корпорацияда ең қымбат VIP-нөмірлердің есебі жүргізілмейді, алайда әдемі комбинациялардың бағасы айтылды. Мысалы, 010, 020, 030 немесе 707 сияқты сандардың комбинациясы шамамен 166 мың теңге тұрады. Егер цифрларға XXX, YYY немесе MMМ сияқты әріптердің комбинациясы қосылса, құны 332,5 мың теңгеге дейін өседі.

100, 111, 900 немесе 999 сияқты сандардың комбинациясы 400 мың теңгеге жуық. Бірдей әріптердің үйлесімімен бірге құны 566 мың теңгеге дейін өседі.

Мемлекеттік өлшемдердегі ең қымбат сандар 001, 002, 003, 004, 005, 006, 007, 008, 009, 777 XXX, YYY, MMM және AAA әріптерінің тіркесімімен бірге. Мұндай VIP нөмірлер 831,3 мың теңге тұрады.

Естеріңізге сала кетсек, автокөліктерге арналған арнайы мемлекеттік нөмірлер 2014 жылдан бастап ресми түрде сатыла бастады. Бұған дейін нөмірлерді заңсыз сату фактілері жиі тіркелетін. Сыбайлас жемқорлыққа қарсы іс-қимыл агенттігінің бұрынғы қызметкері Дидар Смағұлов мамандандырылған ХҚКО-да сыбайлас жемқорлық тәуекелдерін тексеру кезінде оған әдемі мемлекеттік нөмір ұсынылғанын мәлімдеген еді.

"Әдемі нөмірлерді заң бойынша касса арқылы сатып алу мүмкіндігі әрдайым болған емес. 2013 жылы мен Қарағанды облысы бойынша Департаментте жұмыс істеген кезде, сыбайлас жемқорлық тәуекелдеріне талдау жүргіздім.  Соңында бір қызметкер менің қарапайым нөмірімді көріп, әдемі нөмір ұсынды. Одан соң бұл қызметкер үш сағат бойы жүйенің жұмысы туралы маған есеп берді. Бұл нөмірлер сол жүйе бойынша 100 долларға сатылған. Алайда, жүйелі түрде заңбұзушылықты ешкім дәлелдеген жоқ", - деді Смағұлов.

Осы оқиғадан кейін шенеунік бұл мәселеге білек сыбана кірісіп, әдемі нөмірлерді касса арқылы ресми сатуға қол жеткізді. 

"Біз Блез Паскальдың ықтималдық теориясына жүгіндік. Toyota Camry 40 маркалы автокөлігінде 040 нөмірі қаншалықты жиі түсетінін бақыладық. Бұл физика заңына салып қарағанның өзінде 65 есе жиі кездесетініне көз жеткіздік. Анықтаманы біз ІІМ-ге жібердік. Оның қорытындысы бойынша олар Camry 40 нөмірін 120-140 мың теңгеден, яғни ресми түрде касса арқылы сата бастады", - деді ол.