Теміржолмен жарты жылда 157 млн тоннадан астам жүк тасымалданды

Фото: ҚТЖ

2026 жылғы қаңтар – маусым қорытындысы бойынша «Қазақстан темір жолы» ҰК» АҚ желісі бойынша жүк тасымалдау көлемі 157,1 млн тоннаны құрады, бұл өткен жылдың сәйкес кезеңімен салыстырғанда 3,5% артық, деп хабарлайды Elordainfo.kz ҚТЖ баспасөз қызметіне сілтеме жасап.

Республикаішілік тасымалдар 82,2 млн тоннаға жетіп, экспорттық тасымалдар көлемі 2025 жылдың бірінші жартыжылдығымен салыстырғанда 2,9 млн тоннаға ұлғайды және 45,6 млн тоннаны құрады.

Тұрақты өсім жүктердің негізгі түрлері бойынша сақталады.

Алты айда 51,3 млн тонна тас көмір тасымалданды, бұл өткен жылдың көрсеткішінен 4% артық. Оның 35,4 млн тоннасы қазақстандық тұтынушыларға (+4%), тағы 15,9 млн тоннасы экспортқа жөнелтілді (+5%).

Астық жүктерін тасымалдаудың өсуі жалғасуда. Қаңтар – маусым айларында 7,3 млн тонна астық тасымалданды – бұл өткен жылмен салыстырғанда 10% артық. Астық экспорты 11% артып, 5,6 млн тоннаны құрады.

Жоғары өсу қарқыны астық өңдеу өнімдерін тасымалдауды көрсетеді. Ұнтақ өнімдерінің экспорты 1,1 млн тоннаға жетті, бұл өткен жылдың сәйкес кезеңімен салыстырғанда 20% артық. Құрама жем тасымалдау 51% өсіп, 2 млн тоннаны құрады.

Жүктердің басқа да негізгі түрлері бойынша оң динамика байқалды. Бірінші жартыжылдықта 13,3 млн тонна мұнай жүктері (+3,7%), 11,6 млн тонна темір кені (+15,1%), 10,4 млн тонна түсті кен, 9,1 млн тонна құрылыс материалдары және 8,1 млн тонна қара металл (+8,8%) тасымалданды.

Тасымалдау көлемінің өсуі ҚТЖ қызметтеріне тұрақты сұраныс пен ішкі нарықтың қажеттілігін және экспорттық тасымалдарды дамытуды қамтамасыз ететін көлік-логистикалық жүйе жұмысының тиімділігін растайды.

Еске салайық, бұған дейін елімізде жыл басынан бері пойыздарда 6 миллионнан астам жолаушы тасымалданғаны туралы жаздық.