«Көлсай көлдері» мемлекеттік ұлттық табиғи паркі аумағына орнатылған фототұзаққа Қазақстанның Қызыл кітабына енген қар барысы түсіп қалды, деп хабарлады Elordainfo.kz.
Бейнежазбаларда оның тіршілік аймағын жүйелі түрде шолып жүргені байқалады.
Орман шаруашылығы және жануарлар дүниесі комитетінің мәліметінше, қар ілбісі осы аумақта 4 ай бойы жүрген.
«Алынған деректер осы сирек жыртқыштың мекендеу ортасы мен мінез-құлқын зерттеу үшін аса құнды ғылыми материал болып табылады»,- делінген хабарламада.
