Елордалық ардагерлер болашақ үшін дауыс берді

фото: Elordainfo.kz

Бүгін Астана қаласы Алматы ауданы Ардагерлер кеңесінің төрағасы Марат Мұстафин өзі бас болып, алғашқылардың қатарында №88 сайлау учаскесінде өз таңдауын жасап, азаматтық ұстанымын білдірді, деп хабарлайды Elordainfo.kz.

Марат Кәрімұлы жастардың болашағына сенім білдіріп, елдің ертеңі үшін әр азаматтың белсенді болуы маңызды екенін атап өтті.

«Әділетті Қазақстанды құруға барлық азамат өз үлесін қосса екен деймін. Әрқайсымыздың таңдауымыз – еліміздің болашағына деген жауапкершілігіміз. Жастардың болашағына сенімім мол. Мұндай кезде елдің бірлігі мен тұрақтылығы, жарқын келешегі үшін бәріміз бірге атсалысуымыз қажет», – деді Марат Мұстафин.

Шапағат Әбдір