Бүгін Астананың «Сарайшық» ауданында мектеп оқушыларына арналған «Таза қозғалыс» квесі өтті, деп хабарлады Elordainfo.kz.

«Таза Қазақстан» акциясы аясындағы шара балаларды интерактивті тапсырмалар арқылы табиғатты қорғауға үйрету мақсатында ұйымдастырылды.

Іс-шара барысында қатысушыларға зияткерлік сұрақтар қойылды.

«Квест төрт турдан тұрады. Әр команда қатысушыларына сұрақтар қойылады. Олар жан-жануарлардың ізі бойынша қандай екенін табуы керек. Ал үшінші тур қоқыстарды сұрыптау, шыны, пластик, қағаздарды әр қоқыс жәшігіне бөліп салады. Соңында флешмоб ұйымдастырылды», - деді «Сарайшық» ауданы әкімдігі Ішкі саясат және әлеуметтік сала бөлімі жетекшісінің міндетін атқарушы Динара Закир.

Іс-шара соңында қатысушылар алғысхаттармен және естелік сыйлықтармен марапатталды.