Елімізде адам саудасына қарсы іс-қимыл жоспары әзірленіп жатыр

Фото: ОКҚ

ҚР ІІМ мүдделі мемлекеттік органдармен бірлесіп, 2027–2029 жылдарға арналған адам саудасының алдын алу және оған қарсы іс-қимыл жөніндегі іс-шаралар жоспарын әзірлеуге қатысуда. Бұл туралы ҚР ІІМ Ұйымдасқан қылмысқа қарсы күрес департаментінің Үшінші басқармасының бастығы Самат Құсетов хабарлады, деп хабарлайды Elordainfo.kz ОКҚ баспасөз қызметіне сілтеме жасап.

«Сонымен қатар, Халықаралық көші-қон ұйымының қолдауымен адам саудасының құрбандарын анықтау және оларды көмек көрсету жүйесіне қайта бағыттау бойынша стандартты операциялық рәсімдер әзірленді. Бұл мемлекеттік органдардың әрекет ету алгоритмі. Ал ЕҚЫҰ кеңсесінің қолдауымен адам саудасының белгілері мен осы мәселе туралы ақпараттық материалдар дайындалды», - деді спикер ОКҚ алаңында өткен дөңгелек үстел барысында.

Еске салайық, бұған дейін Қазақстанда жыл басынан бері адам саудасына қатысты 80-нен астам қылмыс анықталғаны туралы жаздық.