Түркияның Каппадокия қаласында үстел теннисінен халықаралық WTT Feeder Cappadocia II турнирі басталды, деп хабарлады Elordainfo.kz.  

Аталмыш жарысқа Аустрия, Англия, Әзербайжан, Бельгия, Бразилия, Венгрия, Венесуэла, Грекия, Дания, Мысыр, Иран, Үндістан, Испания, Қазақстан, Корея, Колумбия, Румыния, Словакия, Словения, Сингапур, Түркия, Тайбэй, Өзбекстан, Чили, Швейцария және Жапония спортшылары қатысады.

Қазақстан атынан Дастан және Айдос Кенжеғұловтар, Жанерке Көшкімбаева, Ескендір Харки, Сарвиноз Миркадирова, Санжар Жұбанов, Ангелина Романовская, Әнел Бақыт, Бақдәулет Әкімәлі, Владислав Захаров және Ырысбек Артықметов бақ сынайды.