2 жылдық заңсыз есеп: Қорғаста 19 инвесторға салынған қосымша құн салығының қаражаты қайтарылды

Фото: pexels.com

Жетісу облысының прокуратурасы «Қорғас» шекара маңы ынтымақтастығы орталығында инвесторлардың құқығы бұзылғанын анықтады, деп хабарлайды Elordainfo.kz Бас прокуратурвның баспасөз қызметіне сілтеме жасап.

Екі жыл бойы 70 млрд теңгеден асатын жобаларды жүзеге асырған 19 инвесторға су тарифтері бойынша қосымша құн салығы заңсыз есептелген.

Салық кодексіне сәйкес, арнайы экономикалық аймақ аумағындағы қызмет ҚҚС-тан босатылады. Соған қарамастан, бұл талап сақталмаған, нәтижесінде бизнеске негізсіз шығын келтірілген.

Прокурорлық қадағалау нәтижесінде заң бұзушылық жойылып, инвесторларға заңсыз алынған қаражат қайтарылды. Кінәлілер жауапкершілікке тартылды.

Еске сала кетсек, Астанада көлік салығынан 10 млрд теңгеден астам қаржы түсті.