«Тәжен» кеден бекетінде шетелдік азамат есірткімен ұсталды

Оңалхан Өнерхан

Маңғыстау облысының «Тәжен» кеден бекетінде есірткі затын тасымалдамақ болған шетелдік азамат ұсталды, деп хабарлады Elorda.info.

Маңғыстау облысының «Тәжен» кеден бекетінде кедендік тексеру барысында «ТТСГ» шекаралық наряды Мәскеу - Динау қаласы бағытына сапар шекпек болған жолаушыны тоқттады.

«Өзбекстан Республикасы азаматының қалтасынан есіркі заты табылды. Қазіргі уақытта іс жүргізу шешімін қабылдау үшін материалдар құқық қорғау органдарына берілді», - деді Мемлекеттік кірістер комитетінің баспасөз қызметі.

Айта кету керек, 2024 жылдың басынан бастап «Тәжен» кеден бекетінде 7 кеден заңнамасын бұзу фактіс анықталып, 169 әкімшілік істер қаралды. 4,9 млн. теңгеден астам айыппұлдар өндірілді.