Елімізде жеке үйлердің сатылымы күрт өсті

Фото: Оңалхан Өнерхан

Сәуір айында Қазақстанда жеке үйлерді сатып алу-сату мәмілелерінің саны күрт өсті, деп хабарлады Elorda.info Ұлттық статистика бюросына сілтеме жасап.

Өткен айда республикада осындай 7830 мәміле жасалды. Бұл – наурыз айымен салыстырғанда 40,5% артық және жыл басынан бергі рекордтық көрсеткіш. Жеке тұрғын үйлерді сатып алудың өсуі барлық өңірлерде тіркелді, әсіресе Ұлытау (85,4%), Атырау (77,9%) және Қостанай (66,3%) облыстарында көп тіркелді.

Сәуірде пәтерлерді сатып алу-сату мәмілелерінің саны да 12,5%-ға өсті, сатылған пәтерлердің жартысынан көбі Астанада (23,3%), Алматыда (18,7%) және Қарағанды облысында (9,5%) болды.