Министрліктер үйінде лауазымды тұлғалар тұрғындарға кеңес береді

Фото: ҚР Ауыл шаруашылығы министрлігі

Азаматтарды қабылдаудың мамандандырылған орталығында мемлекеттік органдардың лауазымды тұлғалары азаматтарды қабылдауды жалғастыруда, деп хабарлады Elorda.info.

ҚР Ауыл шаруашылығы министрлігінің мәліметінше, орталық базасында келушілер ыңғайлы жағдайда кез келген мемлекеттік органға өтініш бере алады, сондай-ақ офлайн және онлайн форматтарда түрлі ведомстволар өкілдерінің кеңестерін ала алады.

Азаматтарды қабылдау орталығы Астана қаласы, Мәңгілік Ел даңғылы 8, Министрліктер үйінің 16 кіреберісі мекенжайында орналасқан.

Бекітілген кестеге сәйкес, ҚР АШМ лауазымды тұлғаларының қабылдауына 8 (7172) 555 840 телефон нөмірі бойынша жазылуға болады.