«Біреу үшін үйленбе»: Нұрлан имам жас жігіттерге кеңес берді

Танымал имам Нұрлан қажы Байжігітұлы әлеуметтік желіде жас жігіттерге ақыл-кеңесін айтты, деп хабарлады Elordainfo.kz.

«Біріншіден, біреу үшін үйленбеу керек. «Әке-шешемнің аузын жабайын, достарым бәрі үйленді, мен де үйлене салайын» десе адам бақыт таппайды. Әйелден бұл өмірде ляззат та көрмейді. Екіншіден, ұрпағынын да қызығын көрмейді. Біреудің әйелі жақсырақ көрініп, біреудікі әдемірек болып көрінетіні де содан. Өкінішке қарай, ондай біздің заманымызда көп»,- деді Нұрлан Байжігітұлы.

Имам үйлену үшін жігіт пен қыздың ортасында түсіністік болса жеткілікті екенін айтты. 

«Менен жастар «қанша жаста үйлену керек» деп сұрайды. Шариғатта аманатты түсінген адам үйленсе, жақсы болады делінген. Орыстарда шыдасаң, түбі ұнап кетеді деген сөз бар. Иә, шариғат бойынша екі жастың ортасында махабат болғаны жақсы. Бірақ жігіт пен қыздың ортасында түсіністік болса да жеткілікті. Отбасы құрыла береді. Екеуінің көзқарасы бір болуы өмірдің жалғасуына, әрі қарай бірге қол ұстасып жүруіне себеп бола алады»,- деді имам.