Антикор қазақстандықтарға маңызды ескерту жасады

Фото: ашық дереккөз

Антикор қазақстандықтарға маңызды ескерту жасады, деп хабарлады Elorda.info ведомствоға сілтеме жасап.

Сыбайлас жемқорлыққа қарсы қызмет азаматтарға мессенджерлер (WhatsApp, Telegram және басқа да байланыс арналары) арқылы жалған аккаунттар құратын және Сыбайлас жемқорлыққа қарсы іс-қимыл агенттігінің басшылығы мен орган қызметкерлерінің атынан қоңырау шалуды жүзеге асыратын, сондай-ақ жалған ақпарат жіберетін жеке тұлғалар тарапынан алаяқтық әрекеттер туралы ескертеді.

«Жалған ақпараттық таратуларға сенбеуді, күмәнді сілтемелерге өтпеуді, сондай-ақ қолма-қол ақша аудармауды сұраймыз. Аталған хабарламаларды алған жағдайда, осы фактілер туралы Құқық қорғау органдарына дереу хабарлаңыз, - делінген ведомство таратқан хабарламада.

Ескеретін жайт, алаяқтар Антикор символикасы бар арнайы жасалған құжаттардың файлдарын жібереді.