Қазақстанда бензин 2023 жылы қымбаттай ма

2023 жылғы 9 қаңтарда АИ-92 және дизель отынына белгіленген мемлекеттік реттеу мерзімі аяқталады, деп хабарлады Elorda.info.

LS мәліметінше, 2023 жылдың басында жанар-жағармай бағасының күрт өсуі жоспарланбаған.

Осы мәселенің әлеуметтік маңыздылығын түсіне отырып, біз жанар-жағармай (ЖЖМ) бағасын ұстап тұру бойынша жұмыстар жүргізіп жатырмыз, - деп жазылған энергетика министрлігі хабарламасында.

Қазіргі уақытта АИ-92 шекті құны аймаққа байланысты литріне 182-187 теңгені құрайды. Қазақстандықтар үшін дизель отыны жеке тұлғалар үшін тәулігіне 100 литрге дейін және жүк тасымалдаушылар үшін 300 литрге дейін сатып алғанда литріне 230-260 теңгеден сатылады. Шетелдіктер мен ЖЖМ нормадан жоғары сатып алатындар үшін баға 450 теңгені құрайды.

Сонымен қатар, Қазақстанда сұйытылған газға бағаны реттеу 2023 жылғы 30 маусымға дейін ұзартылуы мүмкін. Оның шекті құны литріне 50-70 теңге, ТМД-ға көтерме баға белгіленген бөлшек сауда бағасы есебінен бекітілді және қосылған құн салығынсыз тоннасына 33,6 мың теңгені құрайды.