Сайлау учаскесінде қолөнер көрмесі ұйымдастырылды

Атырауда сайлау учаскесінде қолөнер көрмесі ұйымдастырылды, деп хабарлады Elorda.info.

Azattyq Ruhy жазуынша Атырау қаласы Жұлдыз ықшам ауданындағы №39 жалпы білім беру орта мектебінде орналасқан №251, 252 сайлау учаскесіне келушілерге ерекше жағдай жасалды. Мұнда мектеп оқушыларының үздік деген 20 туындысы және жергілікті қолөнершілер Нұрсұлтан Қалиевтің ағаш-тері бұйымдары мен Айнұр Меңдібайдың қыз жасауы қойылды. Келушілер ұлттық бұйымдар туралы тың ақпараттармен танысты.   

Сайлау учаскесіне келушілер ұлттық бұйымдарымызбен танысып, кейбірі ұнатқан дүниесін сатып алып жатыр. Басты мақсат - халыққа ұлттық өнерді насихаттау, қолөнершілердің еңбегін бағалау, оларды таныту. Баршасының көңіл күйі жақсы. Халық сайлауға белсенді қатысып жатыр,  - деді №39 жалпы білім беру орта мектебінің мұғалімі Рита Мұқанова.