Елордада көшенің тағы бір бөлігі жабылады

Нұр-Сұлтан қаласының Көлік және жол-көлік инфрақұрылымын дамыту басқармасы ПД әкімшілік полиция басқармасының келісімі бойынша жол қозғалысы қауіпсіздігін қамтамасыз ету мақсатында А.Герцен көшесі бойынша жұмыстардың басталғаны туралы мәлімдеді, – деп хабарлайды ведомстводан.

Осыған байланысты, ағымдағы жылдың 25-27 сәуір аралығында Р.Дүйсенбаев көшесінен Оқжетпес көшесіне дейінгі учаскеде автокөлік құралдары үшін қозғалыс ішінара жабылады.

Қала жолдарында кептеліс тудырмау үшін елорда тұрғындары мен қонақтары өз қозғалыс бағыттарын алдын ала жоспарлауы қажет.

Келтірілген қолайсыздықтар үшін кешірім сұраймыз және жөндеу жұмыстарын жүргізуге түсіністікпен қарауды сұраймыз, – деп толықтырды басқармада.