Қазақстанда интернет-алаяқтық көбейді

"Соңғы уақытта интернет-алаяқтық қоғамда кең тарады. 2019 жылы Қазақстанда олардың саны 7 700 болса, 2020 жылдың аяғында 14 мыңнан астам қылмыс тіркелген. Биылғы жылдың 10 айында өткен жылмен салыстырғанда қылмыстар саны 14 мыңнан асты. Бір жылда олардың саны 80 пайызға өсіп, 17 800 қылмысты құрады", - деді ІІМ Криминалдық полиция департаменті бастығының орынбасары Қанат Нұрмағамбетов.

Оның айтуынша, мұндай алаяқтықтан қорғанудың бірнеше түрі бар.

Жеке деректерді, пластикалық карталардың реквизиттерін ешкімге айтпау, аударымдар туралы түбіртектерді бермеу, әсіресе кодтар мен құпия сөздерді тіпті өздерін банк, полиция қызметкерлері және т.б. таныстырғандарға да бермеу, сонымен қатар белгісіз және тексерілмеген сайттарға және өзге дереккөздерге сенбеу, тексерусіз алдын ала төлем жүргізбеу керек, тауарды алғаннан кейін ғана төлем жасауға келісіңіз, – деп атап өтті Қанат Нұрмағамбетов.

Ішкі істер министрлігінің мәліметі бойынша, интернет-алаяқтықтың ең көп таралған тәсілдері мыналар:

• жарнама арқылы өнім немесе қызмет үшін аванстық төлем алу (олар интернеттегі алаяқтықтың жартысын құрайды - 8,2 мың);
• микрокредиттік ұйымдардың веб-сайттарында онлайн несие тіркеу (жыл басынан бері мұндай қылмыстардың 3 мыңға жуығы жасалған);
• азаматтардың жеке деректерін алғаннан кейін банк шоттарынан ақша ұрлау - 2300 іс.