Мереке күндері қанша адам жедел жәрдем көмегіне жүгінді?

Бұл ретте ең көп шақыртулар Алматы қаласында тіркелген, мұнда  5 мың 800 адам, ал  Алматы облысында  5 мыңнан астам, Түркістан облысында 460-тан астам және Астана қаласында 4 мыңнан астам, Шымкент қаласында  3 мыңнан астам адам жедел жәрдем көмегіне жүгінді.

Жалпы, осы күндері 150 мыңнан астам халқы бар елді мекендердегі көпбейінді ауруханалардың жанындағы 80 травматологиялық пункт шұғыл травматологиялық көмек көрсетеді. Ал 150 мыңнан аз халқы бар елді мекендерде аудандық (166), қалалық (75) ауруханалардың қабылдау бөлмелерінде шұғыл травматологиялық көмек көрсетіледі.

Жаңа жылдық мерекелерде ел халқына жедел медициналық көмек көрсету үшін бір ауысымда 1 503 ЖМК бригадасы, оның ішінде 273 бригада мамандандырылған (дәрігерлік) және 1 230 фельдшерлік бригада жұмыс істеді, деді Денсаулық сақтау министрлігінің баспасөз қызметі.

МСАК ұйымдарында 4 санаттағы шақыртуларға қызмет көрсету үшін 464 бригада жұмыс істейтін болады.