Қазақстандықтар мамыр айында қанша күн демалады

Қазақстандықтар мамырда неше күн демалатыны белгілі болды, деп хабарлады Elorda.info.

Мамыр айында қазақстандықтар 3 бірдей мерекені атап өтеді: 

1 мамыр – Қазақстан халқының бірлігі күні;

7 мамыр – Отан қорғаушылар күні;

9 мамыр – Жеңіс күні. 

1 мамыр дүйсенбіге келетіндіктен, сәуір айының соңғы демалысы үш күнге созылады. 

7 мамыр жексенбіге түседі. Мереке күні демалысқа келіп түссе, демалыс келесі жұмыс күніне ауыстырылады. Осылайша жексенбі күнгі 7 мамырдың орнына дүйсенбі 8 мамырда демалыс.

Әрі қарай 9 мамыр күні тағы демаламыз. 

Осылайша қазақстандықтар мамыр айында келесі күндері демалады:

- бес күн жұмыс істейтіндер: 1, 6-9, 13-14, 20-21, 27-28 мамыр;

- алты күн жұмыс істейтіндер 1, 7-9, 14, 21, 28 мамыр.