Астана – Қарағанды – Алматы автожолының үш учаскесі жабылды

Боран, екпіні күшті желдің және жолдың дұрыс көрінбеуі салдарынан республикалық маңызы бар Астана - Қарағанды - Алматы автожолының үш учаскесі жабылды, деп хабарлады Elordainfo.kz.

Бұл туралы Төтенше жағдайлар министрлігінің баспасөз қызметі мәлім етті.

Ақмола облысы:

Жібек Жолы төлемақы алу пунктінен Ақмола облысының шекарасына дейін. 

Қарағанды облысы:

Ақмола облысының шекарасынан Теміртау төлемақы алу пунктіне дейін;

Қарағанды қаласынан Ақсу-Аюлы ауылына дейін.

Төтенше жағдайлар министрлігі тұрғындарға ескерту жасады.

Ауа райының нашарлауына байланысты келесі қауіпсіздік шараларын сақтау қажет:

дауыл туралы ескертулерді қадағалау;

жолдардың жабылуы туралы хабарламаларды ескеру; 

алыс қашықтыққа, әсіресе тәуліктің қараңғы уақытында саяхаттаудан және жаяу жүрмеу.