Қазақстанның авиациялық әкімшілігі «Air Transport News Corporate Award» сыйлығын алды

ИКАО Кеңесінің мүшелері, ИКАО Хатшылығы, түрлі мемлекеттердің авиациялық билік органдары, IATA, CANSO, ACI World, TIACA, iPADIS және ірі халықаралық әуе тасымалдаушылары 2023 жылы Монреальда (Канада) өткен «Жаһандық байланыс мәселелері» әуе көлігі симпозиумына және әуе көлігі марапаттарын тапсыру рәсіміне қатысты, деп хабарлады Elorda.info.

Шара барысында Қазақстанның авиациялық әкімшілігі «Air Transport News Corporate Award» сыйлығын алды, бұл халықаралық авиациялық қауымдастығы тарапынан Қазақстандағы азаматтық авиацияны басқарудың жаңа моделіне көшу бойынша жүргізілген жұмыстарды мойындау болып табылады.

Марапат Қазақстанның Канададағы Елшісі Ақылбек Камалдиновке табысталды.

Қазақстанның авиациялық әкімшілігі-үш жыл бұрын халықаралық озық тәжірибелерге негізделген тиімді авиациялық орган болу мақсатымен құрылған жас реттеуші орган.

Өткен жылдың сәуір айынан бастап бас директор Каталин Раду және ҚР ИИДМ Азаматтық авиация комитетінің төрағасы Талғат Ластаев атынан жаңа басшылық Қазақстанның авиациялық әкімшілігінің қадағалау мүмкіндіктерін нығайта алды, оны түрлі халықаралық аудиттер мен бағалаулар мойындады.

Қазақстанның авиациялық әкімшілігі мен ИИДМ Азаматтық авиация комитеті Қазақстанның өңірлік және халықаралық деңгейлерде авиациялық қатысуын одан әрі дамытуды және кеңейтуді жалғастырады.

2023 жылғы жеңімпаздар арасында ИКАО президенті Сальваторе Шиачитано, ERA бас директоры Монсеррат Баррига, IATA басқарушылар кеңесінің төрағасы Мехмет Нане, Гайана азаматтық авиация басқармасының бас директоры Эгберт Филд,  TIACA, Wizz Air, iGA Стамбул әуежайы, SkyTeam марапатталды.

ATN корпоративтік марапаты саланың халықаралық деңгейде танылуының ең жоғары деңгейін білдіреді және Қазақстанның авиациялық билік орындарын еліміздің азаматтық авиация саласының игілігі үшін өздерінің өршіл мақсаттарына жетуге және өз әлеуетін толық іске асыруға ынталандыратын болады.