Азаматтық авиация комитеті Астана-Ыстамбұл рейсінің 30 сағатқа кешігу себебін түсіндірді

ашық дереккөз

ҚР Азаматтық авиация комитеті Астана-Ыстамбұл бағытындағы РС-229 рейсі ұшу уақытының неліктен 30 сағатқа кешіккендігін түсіндірді, деп хабарлады Elorda.info.

Осы жылдың 26 қарашасындағы «Pegasus Airlines» әуе компаниясының Астана-Ыстамбұл бағытындағы РС-229 рейсінің ұшу уақыты техникалық себептерге және экипаж уақытының аяқталуына байланысты 30 сағатқа кешігуде. 27 қазан күнгі сағат 11.00-дегі жағдай бойынша рейстің ұшуы техникалық себептерге байланысты кешігіп жатыр, - деп атап өтті Азаматтық авиация комитетінен.

Комитет мәліметінше, рейсі кешіктірілген жолаушыларға Қазақстан Республикасының заңнамасына сәйкес, рейс кешіккен кезінде көрсетілетін қызметтер (сусын, ыстық тамақ, қонақ үйге орналастыру) ұсынылған.