13 жасар қызды құтқарып қалған ауыл әкімінің орынбасары марапатталды

ашық дереккөз

5 тамызда Сарыағаш ауданы Дарбаза ауылдық округі әкімінің орынбасары Сүйіндік Туғанбай 13 жасар қызды ересек жәбірлеушінің арам пиғылынан құтқарып қалған.

Түркістан облысы полиция департаменті мәліметіне сәйкес, күдікті жасөспірімге шабуыл жасаған. Оқиғаны жақын арада болған ауыл әкімінің орынбасары байқап, бірден араша түседі. Сүйіндік Туғанбай қашуға ұмтылған күдіктіні ұстап, полицияға тапсырды.

Агенттік Төрағасының арнайы жолдаған алғыс хатын Түркістан облысы бойынша аумақтық департамент басшысы, Әдеп жөніндегі кеңес төрағасы міндетін атқарушы Өркен Балажанов табыстады.

Сүйіндік Туғанбай Түркістан облысы Сарыағаш ауданында дүниеге келген. Мемлекеттік қызметте 25 жылдан астам еңбек етеді.