00:00
Астана -10oC
USD:
473.29
EUR:
512.81
RUB:
5.47
Іздеу

Есірткіге мас күйінде жолаушыларды тасымалдаған автобус жүргізушісі анықталды (ВИДЕО)

25 ақпан, 2023
Елорда ақпарат Елорда ақпарат
Есірткіге мас күйінде жолаушыларды тасымалдаған автобус жүргізушісі анықталды (ВИДЕО)
ашық дереккөз

118-ші бағыттағы қоғамдық көлік жүргізушісін Абай даңғылы мен Өтеген батыр көшесінің қиылысында әкімшілік тәжірибе бөлімшесінің қызметкерлері тоқтатқан.

Жүргізушінің әрекеті күдік туғызды. Оны медициналық тексеруден өткізу үшін ертіп барды, сараптама қорытындысы бойынша нарколог-дәрігерлер оның есірткіге мас болғанын анықтады. Жүргізуші бірден қоғамдық көлікті басқарудан шеттетілді. Алматы қаласы бойынша мамандандырылған ауданаралық әкімшілік сотының шешімімен ер адам 8 жыл мерзімге көлік құралын басқару құқығынан айырылды, сонымен қатар 15 тәулікке әкімшілік қамаққа алынды. Қоғамдық көлік мамандандырылған айыппұл тұрағына қойылды, — деді Әкімшілік Полиция басқармасы бастығының орынбасары Дәулет Сейітқұлов.

Сондай-ақ, есірткіге масаң күйдегі жүргізушіні қатарға шығаруға рұқсат берген автокәсіпорынның медицина қызметкеріне қатысты ҚР ӘҚбК-нің 619-бабына сәйкес әкімшілік шара қолданылды. Айыппұл сомасы 150 мың теңгені құрады.