Қазақстандықтардың көлік салығына қарызы 19 миллиард теңгеден асады

ашық дереккөз

Бұл соманы 458 863 қазақстандық төлемеген. Көлік салығы бойынша орташа қарыз 42 000 теңге болды.

Борышкерлердің басым бөлігі Алматы облысында (79,9 мың адам, 3,2 млрд теңге), Алматыда (52,1 мың адам, 4,3 млрд теңге) және Түркістан облысында (41,6 мың адам, 91,4 млн теңге).

Қарызы ең аз өңір –Батыс Қазақстан облысының тұрғындары. Мұнда 10 932 адамның (403,8 млн теңге) көлік салығына қарызы бар. Сондай-ақ бұл тізімде Атырау және Солтүстік Қазақстан облыстары да бар. Мұнда көлік салығына берешегі бар 9 мың (349,7 млн теңге) және 9,8 мың (318,2 млн теңге) борышкер бар.

Бұл ретте Алматы қаласы мен Алматы облысын қоспағанда, ең ірі қарыздар –Шымкентте. Ондағы қарыз көлемі 1,3 млрд теңгеден астам.