Алтын тауық: Елімізде құс еті қымбаттағаны рас па?

Energyprom.kz мәліметінше, ағымдағы жылдың бірінші тоқсанында елімізде ет пен құстың орташа тұтынылуы жан басына шаққанда 11,5 кг құрады. Бұл 2021 жылдың бірінші тоқсанымен салыстырғанда 5,9%-ға артық.

Отандық ет комбинаттары мен құс фабрикалары төрт айдың қорытындысы бойынша секторда сұранысты 88,9%-ға қамтамасыз етті. Оның ішінде ет, құс және тағамдық қосымша өнімдер өндірісі 342 мың тоннаны құрады.

Импорт негізінде елге 42,6 мың тонна өнім әкелінді, бұл 2021 жылғы қаңтар-сәуірге қарағанда 5,7%-ға аз. Экспорт өткен жылмен салыстырғанда бірден 19,3%-ға қысқарып, 10,3 мың тоннаны құрады.

Қазақстанда құс етінің бағасы ағымдағы жылдың мамыр айының қорытындысы бойынша бірден 28,5%-ға өсті. Елімізде қой еті мен шошқа етінің бағасы да бір жылда 16,5 пайызға өсті. Жылқы еті 16,8%, сиыр еті 9,7% қымбаттады. Қазір тауықтың бір келісі 1200 теңгеден басталады.