Қай өңірдің мұғалімдері 800 мың теңге жалақы алады

Бұл аймақтарға:

• Атырау облысы;
• Маңғыстау облысы;
• Алматы облысы;
• Түркістан облысы кіреді.

Үздік педагогтарды ынталандыруға арналған жаңа бағадрлама биылғы қыркүйек айынан бастап іске асады. Оған 3,9 млрд теңге жұмсау көзделген.

3,9 млрд теңге екі мәселені қамтиды. Біріншіден, мұғалімдердің екі есе жалақы алуы және бұған қоса тұрғын үй жалдау мен коммуналдық шығындарды төлеу ескерілген. Біздің заңнамаға сәйкес, тұрғын үй жалдау мен коммуналдық төлемақыны тек жергілікті бюджеттен бере аламыз. Сондықтан жергілікті бюджетке ауырпалықты түсірмес үшін және заңнаманы бұзбау үшін бұл мәселені жалақы арқылы шешіп отырмыз. Мәселен, Мұнайлы ауданына көшіп баратын мұғалім қыркүйек айында жалақы алатын болса, онда оның жалақысы 790 мың теңгеге жуық болады. Сол 790 мыңның 140 мыңға жуығы коммуналдық шығындар, ал 650 мың теңгеге жуығы – жалақысы, – деді білім және ғылым министрі.