Шетел азаматтары қазақстандық полицейлерге алғыс айтты (ВИДЕО)

Грузия елінің азаматы Нұр-Сұлтаннан Солтүстік Қазақстан облысы арқылы кетіп бара жатқан. Ғабит Мүсірепов ауданында көлік тізгініне ие бола алмаған жүргізуші жол үстінен шығып кеткен.

Оқиға орнына келіп жеткен патрульдік полиция батальонының қызметкерлері Ерлан Данкин мен Саят Тілеген тез арада қажетті көмекті ұйымдастырған. Төтенше жағдай қызметкерлерімен бірге бірлесе жұмыс атқарудың нәтижесінде ауыр жүк көлігі сүйреп шығарылған. Айдаладағы түндегі жұмысты бұрқасын мен қатты жел қиындатқан. Жүк көлігінің жүргізушісі Тамаз Размадза өзін қиын жағдайда қалдырмай, көмек қолын созған формадағы қызметкерлерге шын жүректен алғысын білдірді.

Қырғызстан азаматы Челябі-Новосібір тасжолының Мамлют ауданындағы Белое ауылы маңындағы учаскеде дәл осындай жағдайға тап болған.

Бішкектен алма әкеле жатқан жүргізушіге патрульдік полиция қызметкерлері Талғат Тілеужанов пен Әділ Қазиев көмектескен. Сол маңнан өтіп бара жатқан Subaru көлігінің иесі де тоқтап, қол ұшын созған.

Жолға шығарда Қырғызстан азаматына жылы аяқ киім бердік, өйткені жолдағы қашықтықты болжау мүмкін емес, – дейді патрульдік полицейлер.