Nur Otan партиясының Нұр-Сұлтан қалалық филиалынан 27 делегат сайланады

Саяси кеңес отырысында көпшілік дауыспен Nur Otan партиясының 2022 жылғы 28 қаңтарға жоспарланған кезектен тыс XXI Съезіне Nur Otan партиясының Нұр-Сұлтан қалалық филиалынан 27 делегат сайлау туралы шешім қабылданды.

Сондай-ақ отырыс барысында Nur Otan партиясы Нұр-Сұлтан қалалық филиалының төрағасы, Нұр-Сұлтан қаласының әкімі Алтай Көлгінов Nur Otan партиясы Нұр-Сұлтан қалалық филиалының жүргізіп жатқан жұмыстары туралы, Нұр-Сұлтан қаласында Nur Otan партиясының «Өзгерістер жолы: Әр азаматқа лайықты өмір!» атты cайлауалды бағдарламасын орындау бойынша Жол картасын іске асыру туралы, Мемлекет басшысының биылғы 11 қаңтарда Парламент Мәжілісінің отырысында жарияланған тапсырмалары бойынша баяндады.