«Elorda Cup»: Астанадағы халықаралық турнирде сенсация тіркелді

Бокстан Астанада өтіп жатқан «Elorda Cup» халықаралық турнирінде жартылай финалға шыққан боксшылардың алғашқы бөлігі анықталды, деп хабарлады Elorda.info.

54 келіде Бахрейн атынан сынға түсіп жатқан Азат Махметов жастар арасындағы әлем чемпионы Шахзод Мұзафаровты (Өзбекстан) жеңіп кетті.

57 келіде Махмұд Сабырхан Азия чемпионы Білгуунсайхан Хархууды (Моңғолия) 2 мәрте нокдаунға түсірді. Енді жартылай финалда әлем чемпионатының күміс жүлдегері Серік Теміржановпен сұрапыл шайқас болады.

63,5 келіде Мұхаммедсабыр Базарбай уулуның қарқыны мықты. Алғашқы раундта Азия чемпионатының қола жүлдегері Адхамжон Мухиддиновтан (Өзбекстан) 2:3 есебімен жеңілсе де, жеңісті жұлып алды.

63,5 келіде әлем чемпионатында ашық айқасымен есте қалған Хунатип Пиднух (Таиланд) жерлесіміз Василий Самчукпен де аянып қалмады. Есеп 3:2!

Кешкі сессияда әлем чемпионы, Токио Олимпиадасының қола жүлдегері Сәкен Бибосынов Үндістан боксшысымен кездесіп, жарысты сәтті бастады.

51 келіде әскерилер арасындағы әлем чемпионы Дамир Әбдіқадыр Өзбекстанның екінші нөмірлі боксшысы Асылбек Жалиловты 4:1 есебімен жеңіп, көрермен тарапынан наразылыққа ұшырады. Кейін кеш аяқталған соң, төрешілер Өзбекстан тарапынан кешірім сұрап, жеңісті сыйлады.

71 келіде Ермахан Жақпеков әлем чемпионы Севон Оказаваны жеңіп, сенсация авторы атанды.

+92 келіде Қытай намысын қорғайтын қандасымыз Данабек Байкенже Ташкенттегі әлем чемпионатында қателікпен 92 келіге тіркеліп, бірде-бір жекпе-жек өткізбей қайтқан еді.

Астана төрінде Данабек бар күш-жігерін осы салмақтағы басты үміткерлеріміздің бірі Дамир Тойбайға салып, ауыр соққыларын дарытты. Есеп 5:0.

Қалған 2 боксшы Айбек Оралбай (92 келі) мен Нұрлан Сапарбай да қарсыластарын жеңді.

Айта кетейік, турнир 2 шілдеге дейін созылады.

Қанат БАЙҰЗАҚОВ