Астанада кезекті «Қазақстан Барысы» Республикалық турнирі басталды

Бүгін Астанада қазақ күресінен «Қазақстан Барысы» XIII Республикалық турнирінің салтанатты ашылуы өтті, деп хабарлады Elordainfo.kz.

Бұл турнирге Республикамыздың 17 облысы мен Астана, Алматы,  Шымкент қалалары, «Әскер барысы» іріктеуінен өткен 42 балуан бақ сынайды.

Спорттық шараның салтанатты ашылу барысында ҚР Президентінің кеңесшісі Қуанышбек Есекеев қатысушыларды құттықтап, «Құрметті спорт сүйер қауым! Республика күніне арналған «Қазақстан Барысы» турниріне қош келдіңіздер! Бүгін әр өңірден келген балуандар өз аймағының намысын қорғауға шықпақ. Турнирді ашық деп жариялаймын, баршаңызға сәттілік тілеймін!», - деп салтанатты ашылу барысында ҚР Президентінің кеңесшісі Қуанышбек Есекеев қатысушыларды құттықтады.

Сондай-ақ, қазақ дәстүріне сай Ерғали Мухидинов спортшыларға ақ батасын беріп, әділ әрі табысты белдесулер тіледі.

Айта кетейік, 2023 жылғы финалдық белдесуде «Әскер барысы» Ғалымжан Қырықбай Маңғыстау облысының өкілі Нұрдәулет Жарылғаповтан басым түскен болатын.