31 желтоқсанда жаппай жүгіруден жарыс өтеді

Жаңа жыл түнінде Астанада жаппай жүгіруден жарыс өтеді. Қатысушылар 2024 метр қашықтықты еңсеруді жоспарлап отыр, дер хабарлады Elorda.info.

Жарыс 31 желтоқсанда Ботаникалық бақтан (Түркістан көшесі мен Орынбор көшесінің қиылысы) басталып, ЭКСПО-дағы бас шыршаның аумағында аяқталады. Басталуы – 21:00-де. Ал 2023 жылдың 31 желтоқсанында сағат 20:30-да жарысқа қатысушыларға пакет беріледі.

Жарыс алдында фитнес жаттықтырушылармен денені қыздыру мақсатында жаттығулар, түрлі бағдарламалар болады.

Қатысушылар арасында жаңажылдық лотереяда жүлделер ойнатылады. Барлық қатысушы медальдармен марапатталады.

Жарысқа қатысуға барлық ниет білдірушілер шақырылады. Негізгі қашықтық 2024 метрді құрайды.

Жарыс аяқталғаннан кейін шырша аумағында концерттік бағдарлама, лотерея және қатысушыларды марапаттау болады.