Әйгілі футболшы Пеле қайтыс болды

Бразилия құрамасы сапында үш дүркін әлем чемпионы атанған, футбол патшасы Пеле 82 жасында қайтыс болды, деп хабарлады Elorda.info.

Бразилия футбол құрамасында үш дүркін әлем чемпионы атанған футболшының қайтыс болғаны туралы оның қызы Instagram-да хабарлады.

Бізде бар нәрсенің бәрі үшін сізге рахмет. Біз сені шексіз жақсы көреміз. Тыныштықта демалыңыз, - деп жазды Келли Кристина.

Осы жылдың қараша айының соңында Пеле тоқ ішек қатерлі ісігін емдеу үшін Сан‑Паулу ауруханасына жатқызылды. Кейінірек бұқаралық ақпарат құралдары Пеленің денесі химиотерапияға жауап беруді тоқтатқанын және оған паллиативтік көмек көрсетілетінін хабарлады.

26 желтоқсанда Пеле қайтыс болғанға дейін достарымен, туыстарымен және жақындарымен қоштасқаны белгілі болды, ал Сантос қаласындағы футбол стадионында аңызды жерлеуге дайындық басталды.

Пеле – үш рет ойыншы ретінде әлем чемпионы атанған жалғыз футболшы (1958, 1962 және 1970 жылдары). Ол төрт әлем чемпионатының қатысушысы. 1999 жылы ХОК бразилиялықты ХХ ғасырдың спортшысы деп таныды. Ойыншы мансабының көп бөлігін (1957 – 1974) Сантос үшін өткізді.

Айта кетейік, Бразилияда футбол королі Пеленің қайтыс болуына байланысты үш күндік аза тұту жарияланды.

Осы жарлық жарияланған күннен бастап республиканың барлық аумағында үш күндік мерзімге ресми аза тұту жарияланды. Бұрынғы футболшы Эдсон Арантес ду Насименту – Пеленің қайтыс болуына өкініш белгісі ретінде, - делінген ресми хабарламада.