Әлем чемпионатының күміс жүлде иегері Самат Төлегенов елге оралды

Жыл сайын дәстүрге айналған бәсекеге биыл 50 елдің 600-ден астам спортшы қатысты. Қазақстан ұлттық құрамасындағы елордалық спортшылар жарыс басталғаннан бастап-ақ, жоғары көрсеткіштерге жетіп, жүлделі орындарға ие болды.

Қазіргі кезде әлемдік ареналарда үздік нәтиже көрсетіп жүрген Самат Төлегенов пен Шыңғысхан Тұрсынхановтар осы жолы да әнұранымызды асқақтатып, көк туымызды желбіретті.

Айта кетейік, ММА спорт түрінен Нұр-Сұлтан қаласы құрама командасының спортшысы Самат Төлегенов 52 келі салмақ дәрежесінде жастар арасында жүлделі 2-орынға ие болды. Ал 93 келі салмақ дәрежесіндегі Шыңғысхан Тұрсынханов 3-орынға ие болды.

#спортшы