Әли Ахмедов GGG – Канело кешінде титулдық жекпе-жек өткізеді

Бұл туралы боксшы Instagram парақшасында жазды.

27 жастағы алматылық 2013 жылдың қаңтарында орта салмақтағы әлем чемпионы атағы үшін жекпе-жекте Геннадий Головкиннің қарсыласы болған америкалық Габриэль Росадомен (26-15-1, 15 КО) Солтүстік Американың WBA және IBО нұсқасы бойынша супер орта салмақтағы титулы үшін жұдырықтасады.

Аталмыш жекпе-жекте Головкин жетінші раундта техникалық нокаутпен жеңіске жеткен болатын. Росадо бұған дейінгі екі жекпе-жегінде жеңілген. 2021 жылдың 13 қарашасында ол Хайме Мунгуиадан жеңілді.

Содан кейін Росадо екінші орта дивизионға көтеріліп, көпшіліктің шешімімен WBO Continental Americas титулы үшін айқаста америкалық Шейн Мослиден жеңілді.