Ұзату тойында ән шырқаған Қайрат Нұртастың әйелі сынға қалды

Жұлдыз Әбдікәрімова ұзату тойларының бірінде ән шырқаған, деп хабарлады Elorda.info актрисаның желідегі парақшасына сілтеме жасап.

"Қызымызды ұзаттық. Арайжан, аттаған босағаң ақ болсын! Барған жерің құт болсын, бақытың еселеніп жұп болсын! Бағың баянды болсын!" - деп жазды актриса өзінің Instagram парақшасында.

Осы орайда, Жұлдыздың ұзату тойда ән салғанын құптаушылар көп болды. Олар Жұлдыз секілді көпбалалы әрі үлгілі ананың қызды ұзатқанын жақсы ырымға балаған.

Ал кейбір желі қолданушылары Жұлдыздың даусы мен әншілік қабілеті жоқтығын алға тартты. "Осы жерден қоя саласың-ау. Тыңдап отырып, өзім ұялдым. Салтанат ұзатса - дауысы бар, Қарақат ұзатса - дауысы бар, ал енді сенікі - ұят. Жұлдыз, күтпедім сенен"; "Ренжімеңіз, бірақ ән айтқанда дауысыңыз жаман", - деп жазды желі қолданушылары.