«Тек майысып жүруге болмайды»: Ерке Есмахан өз мінезі туралы айтты

Коллаж: Elordainfo.kz

Әнші Ерке Есмахан әлеуметтік жеке парақшасында оқырмандарға өз мінезі туралы айтты, деп хабарлайды Elorda.info.

Оның айтуынша ылғи да жұмсақ, нәзік мінезде жүрсең өзгелер сені басынып кетуі мүмкін екен. Әнші қажет кезінде адуындау мінез де көрсетіп қою керек деп санайтындығын жазды.

Негізі жұмсақтығымның артында ашушаң, өзін қорғай алатын, айқайлап ұрысатын, қатты сөйлейтін, жынды мінезді Ерке бар. Қазіргі заманда тек майысып жүруге болмайды. Жақының да, алысың да басынып кетуі мүмкін. Сол үшін нәзіктіпен бірге басқа да қырларыңызды баланста ұстаған жөн, - деп жазды шоу-бизнес өкілі Instagram парақшасында.