Тоқаев: Қазақтілді аудиторияның өсуі – оң үрдіс

Ассамблея біздің бейбітшілік пен келісім саясатымызға берік институционалдық тірек қызметін атқара беретініне сенімдімін.  Бүгінгі сессияның міндеттері – саяси жүйені реформалаудағы Ассамблеяның орны мен рөлін айқындау, оның одан әрі даму векторын белгілеу, – деп атап өтті Қасым-Жомарт Тоқаев.

Ол мәдениетіміз әралуан екенін көрсететін ерекше ақпаратты әзірлеу қажет екенін айтты.

Соның ішінде, қазақ тілді аудиториямен жұмыс жүргізген жөн. Қазақ тілді аудиторияның ауқымы кеңейіп жатыр. Бұл – жағымды, оң үрдіс. Қазақстанды дамытуға өзге этностардың қосып жатқан үлесін мемлекеттік тілде насихаттау маңызды. Біз осы бағытта жұмыс істейтін ақпарат құралдарын барынша қолдауымыз керек, – деп атап өтті Мемлекет басшысы Қазақстан халқы Ассамблеясының сессиясында.