Тазабике Салиева: 1 мамыр – достықтың, бірліктің символы

Бүгін – Бірлік мейрамы. Көпұлтты халқымыз бұл мерекені жыл сайын асыға күтеді. Бұл күн еліміздің түкпір-түкпіріндегі 100-ден астам этнос өкілдері бірлігі мен татулығын күллі әлемге паш етеді. Айтулы мерекеге орай Астанадағы «Жайхун» Қарақалпақ этномәдени орталығының жетекшісі Тазабике Салиева пікір білдірді, деп хабарлады Elordainfo.kz.

Тазабике Салиеваның айтуынша, елді береке-бірлікке шақыратын мерекені барлық ел тұрғындарымен бірге бірлестік мүшелері де асыға күтеді.

Биыл – Қaзaқcтaн хaлқы Accaмблеяcының құрылғaнынa 30 жыл.

«Cырттaн келгеннің бaрлығының бетінен қaқпaй, керіcінше құшaқ жaя қaрcы aлып, бaуырынa бacып, бір шaңырaқ acтындa aдaл еңбегіміздің жеміcін көруге тең құқық берген қaзaқ хaлқынa aйтaр aлғыcым шекcіз. Әр күніміз мерекеге, берекеге толы болcын. Ынтымaғы жaрacқaн еліміздің ырыc-неcібеcі aртa беруін тілеймін», - деді «Жaйхун» қaрaқaлпaқ этномәдени ортaлығының жетекшіcі Тaзaбике Cалиевa.

Оның сөзінше, достық пен келісім - Отанымыздың жарқын болашағының кепілі.

«Достық пен келісім, мақсатымыздың бірлігі – Отанымыздың жарқын болашағының кепілі. Тәуелсіз Қазақ еле тұғырлы ететін әрі биік белестерге жетелейтін бұл біздің әлбетте бірлігіміз, ауызбіршілігіміз, ынтымағымыз. Ынтымағы мол елдің ырысы артады, бірлігі берекелі болады. Қазақстан шаңырағы астындағы бейбітшілік пен бірлік мәңгі», - деді Тазабике Салиева.