Қостанайда серуендеуге шыққан зейнеткер орманда адасып қалған

Қостанай облысында құтқарушылар орманда адасып қалған әйелді тапты, деп хабарлады Elordainfo.kz ТЖМ-ға сілтеме жасап.

Өңірдегі Алтынсарин ауданында, орман алқабында, демалыс базасынан алыс емес жерде құтқарушылар 1953 жылы туған әйелді тауып, орманнан аман-есен алып шықты.

«Шипажайда демалыста жүрген зейнеткер серуенге шығып, бірақ бағдарын жоғалтып кері қайтуға жол таба алмады. Адасып қалғанын сезген ол құтқару «112» қызметіне қоңырау шалып, көмек сұрады. Құтқарушылар дереу іздестіруге шықты, онымен телефон байланысын қолдап, жергілікті жерді сипаттауға бағдарланып, әйелді жедел іздестірді», - деп жазылған хабарламада.

Әйел адамды шипажайға жеткізді, ол медициналық көмекке мұқтаж болмады.

ТЖМ орманға барғанда сақтық шараларын сақтау маңызды екенін еске салады.