Мереке күндері қар құрсауынан 300-ден астам адам құтқарылды


Өткен екі тәулік ішінде ауа райының нашарлауына, боранға, көктайғаққа, қатты желге және нөлдік көрінуге байланысты ТЖМ 318 адам, оның ішінде 62 бала құтқарып, эвакуацияланды, деп хабарлады Elordainfo.kz ТЖМ баспасөз қызметіне сілтеме жасап.
Сондай-ақ 38 автомашинаны қар құрсауынан шығарды. 142 рет авариялық-құтқару және іздестіру-құтқару жұмыстары жүргізілді.
Ауа райының нашарлауы туралы дауылды ескертулер мен автожолдардың жабылуы туралы хабарламалар СМС-хабарламалар, ТЖМ, аумақтық бөлімшелердің интернет-ресурстары және әлеуметтік желілері арқылы халыққа жеткізілді.
Жамбыл облысында ауа райының қолайсыздығына тап болған 13 адам эвакуацияланды
8 наурызда Жамбыл облысы Жуалы ауданында «Алматы-Ташкент-Термез» трассасының жабық учаскесінде техникалық ақаулық себебімени тұрып қалған жол талғамайтын автокөліктен 7 адамды, оның ішінде 1 баланы жылыту пунктіне эвакуациялады. Ал Ақтөбе облысы Баганин ауданы Көкбұлақ ауылынан 15 км қашықтықта қар үйіндісінде қалған жеңіл автокөліктен ТЖМ құтқарушылары 5 адамды жақын елді мекенге эвакуациялады. Оған қоса, Алматы облысы Кеген ауданы Жалаулы ауылының маңында қарға көміліп қалған жеңіл автокөліктен 1 адамды эвакуациялап құтқарды. Ешкім медициналық көмекке мұқтаж болған жоқ.
ТЖМ әскери қызметшілері ауыр жүк көліктеріне көмекке келді
8 наурызда Ақтөбе облысының Хромтау ауданында «Дон-Бадамша» автожолында жүк көліктері қар құрсауында қалды. ТЖМ 20982 әскери бөлімінің әскери қызметшілері қар құрсауынан 5 жүк көлігін шығарды. Медициналық көмекке ешкім де мұқтаж болған жоқ.
ТЖМ құтқарушылары 120 адамды эвакуациялады
8 наурызда Түркістан облысы Түлкібас ауданы Шақпақ ауылының маңында жолдың жабық учаскесінде көліктердің кептелісі пайда болып, 2 автобус жолда қалып қойды. ТЖМ құтқарушылары ішінде 19 бала бар 120 жолаушыны жақын жылыту пунктіне эвакуациялады. Медициналық көмекке ешкім мұқтаж болған жоқ. Азаматтар құтқарушыларға жедел әрекеттері үшін алғыс білдірді.
ТЖМ қызметкерлері 4 адамды қар құрсауынан құтқарды
8 наурызда Ақмола облысы Жақсы ауданы «Атбасар-Жаңа Қима» автожолында ТЖМ күштері қарда қалған адамдарды эвакуациялау жұмыстарын жүргізді. ТЖМ қызметкерлері жолда тұрып қалған жеңіл автокөлікті тауып алды. Оларды жолға сүйреп шығарды. Құтқарылғандар медициналық көмекке мұқтаж болмады.
ШҚО-да ТЖМ құтқарушылары 4 адамды эвакуациялады
8 наурызда Күршім ауданында Құйған ауылынан 5 шақырым жерде екі жеңіл көлік қар құрсауында қалды. Құтқарушылар жедел түрде жол талғамайтын «Трэкол» көлігімен жетіп, Бұқтырма су қоймасының жағалауынан Күршім ауылына 4 адамды эвакуациялады. Медициналық көмекке мұқтаж болғандар жоқ.
Жетісу облысында қар құрсауында қалған 12 адам құтқарылды
8 наурызда Кербұлақ ауданында, «Сарыөзек-Қарашоқы» тасжолының 25-шақырымында қарға батып қалған жеңіл көлік туралы хабарлама келіп түсті. Көмек сұралған бойда ТЖМ құтқарушылары оқиға орнына аттанды. Құтқарушылардың жедел әрекетінің нәтижесінде қар құрсауынан 4 жеңіл көлік шығарылып, 12 адам аман-есен құтқарылды! Барлығы ересектер, зардап шеккендер жоқ. Жүргізушілер сапарларын өз бағыттары бойынша жалғастырды.
ТЖМ құтқарушылары шетел азаматына көмекке келді
8 наурызда Қарағанды облысының Ақтоғай ауданында «Астана-Қарағанды-Алматы» автожолында Өзбекстан Республикасының азаматының автокөлігі сынып қалды. Содан кейін ол 112 қызметіне қоңырау шалып, көмек сұрады.
Құтқарушылар жедел түрде көмекке келіп, оны Балқаш қаласының орталық ауруханасына жеткізді.
Менің көлігім Балқаш қаласынан Қарағандыға қарай 42 шақырым жерде сынып қалды. Дала суық, боран мен қар болды. Көліктің пеші де жұмыс істемейді. Мен өзімді нашар сезініп, 112 жедел қызметіне қоңырау шалдым. ТЖМ қызметкерлері уақытында келіп, мені Балқаш қаласының орталық ауруханасына жеткізді. Мен ТЖМ қызметкерлеріне ризамын. Бәрі жақсы, рахмет, — деді құтқарылған адам.
Қарағанды облысында қар құрсауынан 4 адам құтқарылды
9 наурызда Бұхар-Жырау ауданында Құрылыс ауылының маңында қар құрсауында 4 адам мінген жеңіл көлік тұрып қалды. Құтқарушылар жол талғамайтын Трэкол көлігімен оларға жетіп, көлікті жолдың тазартылған учаскесіне сүйреп шығарды. Олар медициналық көмекке мұқтаж болған жоқ.
ТЖМ қызметкерлері қар құрсауында қалған жолаушыға көмекке келді
9 наурызда Ақтөбе облысының Ырғыз ауданында «Ырғыз-Нура» автожолының 80 шақырымында Газель маркалы көлігі қарда тұрып қалды. ТЖМ құтқарушылары вахтовка автокөлігімен көлікті тазартылған жолға тартып шығарды. Жолаушы сапарын әрі қарай жалғастырды. Медициналық көмекке мұқтаж болған жоқ.
Ұлытау облысында қар құрсауынан 11 адам құтқарылды
9 наурызда Жаңаарқа ауданында Жаңаарқа ауылынан 40 шақырым жерде «Қарағанды-Самарка-Атасу-Айнабұлақ» автожолының жабық учаскесінде адамдар мінген 2 жеңіл көлік қар құрсауында қалып қойды. ТЖМ құтқарушылары боранда, қалың қарлы жолды еңсере отырып, бірнеше ондаған шақырымды жүріп өтіп, Жаңаарқа кентіне 11 адамды, оның ішінде 6 баланы құтқарып, жеткізді. Құтқарылғандар медициналық көмекке мұқтаж болмады.
Қарағанды облысында қар құрсауынан 5 адам құтқарылды
Абай ауданында Ақбастау ауылынан 5 шақырым жерде қар құрсауында 3 жеңіл көлік тұрып қалды. Құтқарушылар оларға жетіп, Ақбастау ауылына 5 адамды жеткізді. Олар медициналық көмекке мұқтаж болған жоқ.
ТЖМ құтқарушылары қар құрсауында қалған 4 адамды құтқарды
Ауа райының нашарлауына байланысты Шығыс Қазақстан облысы Қарой ауылының маңындағы «Марқакөл-Қарой» тас жолында жеңіл автокөлігі жолдан шығып кеткен. ТЖМ құтқарушылары оқиға орнына келіп, жақын маңдағы елді мекенге 4 адамды, оның ішінде 2 баланы жеткізілді. Медициналық көмекке ешкім мұқтаж болған жоқ.
Павлодар облысында құтқарушылар төрт адамды қар құрсауынан құтқарды
112 пультіне Жасыбай демалыс аймағынан 10 шақырым жерде жолаушылары бар жеңіл автокөлік қар құрсауында қалып, өз жолын жалғастыра алмағаны туралы хабарлама келіп түсті. Оқиға орнына келген құтқарушылар 4 адамы бар көлікті жолдың тазартылған учаскесіне сүйреп шығарды. Медициналық көмек ешкімге қажет болмады. Жүргізуші құтқарушыларға алғысын білдірді.
ТЖМ құтқарушылары 100 адамды құтқарды
10 наурызда түнде Абай облысы «Алматы — Талдықорған — Өскемен — Шемонаиха — РФ шекарасының» а/ж учаскесінің жабылуына байланысты құтқарушылар автобус жолаушыларына көмекке келді. Құтқарушылар Аягөз қ. уақытша орналастыру пунктіне салонында 100 адам, оның ішінде 18 бала болған 5 жолаушылар автобусын жеткізді. Медициналық көмек ешкімге қажет болған жоқ.