Елордалық полицейлер күнбағыс майын ұрлаған күдіктіні ұстады

фото: polisia.kz

Астана супермаркеттерінің бірінде күнбағыс майын ұрлаған сәт бейнебақылау камераларына түсіп қалған, деп хабарлады Elorda.info Polisia.kz-ке сілтеме жасап.

Күндізгі уақытта белгісіз адам супермаркетке келіп, клиент кейпінде тауарларды арбаға асықпай тиеп, содан кейін еш кедергісіз дүкеннен шығып кеткені белгілі болды.

Жедел іс-шараларды өткізу барысында полицейлер бұрын сотталған 21 жастағы елорда тұрғынын анықтады.

Аталған факті бойынша қылмыстық іс қозғалды. Оның елорда аумағында жасалған басқа да осыған ұқсас қылмыстарға қатысы бар-жоғы тексеріледі. Астана қаласының полиция департаменті азаматтарға сақ болуды, шағын және орта бизнес нысандарын бейнебақылау камераларымен жабдықтауды ұсынады.