Қарағанды облысында ұшақ апатынан екі адам мерт болды

фото: Elordainfo

Қарағанды облысында ұшақ апатты жағдайға ұшырап, нәтижесінде екі адам қаза тапты, деп хабарлады Elorda.info азаматтық авиация комитетіне сілтеме жасап.

"2023 жылғы 30 қыркүйекте Қарағанды облысының Балапан алаңында оқу-жаттығу ұшуы кезінде P2002 типті UPLA286 ұшағы әуеге көтерілгеннен кейін байланысқа шықпады. Іздеу кезінде қираған әуе кемесі табылды. Екі адам қаза тапты", - делінген ведомствоның ресми Telegram каналында.

Көлік министрлігінің оқиғаны тергеу департаменті осы факті бойынша тергеуді бастады. Авиациялық оқиға жергілікті уақыт бойынша сағат 08:44-те Қарағанды облысы Доскей ауылынан 5 шақырым жерде болды.