Ақтөбеде кепілден босатылған үш адамның екеуі көз жұмды

Бұл туралы Ақтөбе облысы Полиция департаментінің бастығы Абай Жүсіпов мәлімдеді, деп хабарлады Elordainfo.kz.

Полицияның хабарлауынша, күдікті бұрын таныс болған әйелді кепілге алған.  

Оқиға орнына тәртіп сақшылары келгенде ол ешқандай талап қоймаған.

3 сағатқа созылған келіссөзден және күдіктінің кепілге алынған адамды босатудан бас тартқаннан кейін босатып алу операциясын өткізу жөнінде шешім қабылданған.

Арнайы операция нәтижесінде күдікті ұсталып, кепілге алынған адамдар босатылды.

«Оқиға орнын тексеру кезінде жертөледен пышақ жарақаты бар әйелдің ата-анасы табылды. Өкінішке қарай, зардап шегушінің бірін алып бара жатқан кезде көз жұмды. Екіншісі ауруханада қайтыс болды. Үшінші зардап шегушіге барлық қажетті медициналық көмек көрсетіліп жатыр. Осы оқиға бойынша қылмыстық іс қозғалып, күдікті уақытша ұстау абақтысына қамалды», - деді Абай Жүсіпов.