ALEM эстрадалық би ансамблінің мерейтойлық би кеші өтті

2016 жылы құрылған би ұжымының көркемдік жетекшісі – Лаура Мұқаева. Қоюшы балетмейстер – Анель Ислямова.

Екі күн өтетін Inside би кеші – отандық және шетелдік композиторлардың музыкасын қолданатын заманауи эксперименттік хореография тұжырымдамасы. Бұл кештің ерекшелігі – келген көрермен мен бишілердің арасы бөлінбей, сахна бәріне ортақ болады.

«Boi» және «Sezim by» атты екі хореографиялық миниатюрадан тұратын кеште қазақстандық музыканттар мен композиторлардың әндері орындалды.

Эстрадалық би ансамблінің қоржынында қазақстандық композиторлардың музыкасынан бөлек, түрлі хореографиялық композициялар, әлем халықтарының билері бар.