Тұрсынбек Қабатов жаңа қызметке тағайындалды

Шығармашылық жолының жаңа белесіне қадам басқан отандық әзілкеш ендігі кезекте арнаның ойын-сауық бағдарламарына жауап беретін болды. Бұл туралы ол «Instagram» әлеуметтік желісіндегі жеке парақшасында жазды.

«Құрметті достар, жағымды жаңалығыммен бөлісейін. Жуырда ғана «31» арна басшылығы ауысып, Құрманбек Жұмағали бастаған заманауи көзқарасы бар медиа менеджерлердің жаңа толқыны келді. Қазір ұжымның қолға алып отырған жоба-жоспарлары менің де көңілімнен шықты. Бұл ауқымды теле-жобаларды іске асыру үшін үлес қосуға шақыру түскенде көп ойланбастан қабыл алдым. Патша көңілді көрерменнің көңілінен шығамыз деп ойлаймын. Ендеше, «31» арна назарда болсын!», – деді Тұрсынбек Қабатов.