«Дұғада болыңыздар». Назым Қызайбай жанкүйерлерінен қолдау күтеді

Сербияда өтіп жатқан әйелдер арасындағы бокстан әлем чемпионатында 48 келі салмақта сынға түсіп жатқан қазақстандық Назым Қызайбай жартылай финалға шықты. Бұл туралы Elorda.info.kz хабарлайды. 

Спортшы өз мүмкіндігін жоғары бағалап, жанкүйерлерді қолдау көрсетуге шақырды.

Ертең жартылай финалдық бәсекелер өтеді... Ұлттық құрамадан 6 қыз шаршы алаңға шығамыз. Бізге сәттілік тілеп, дұғада болыңыздар, – деп жазды Қызайбай.

Айта кетейік, ол кеше Венесуэла боксшысы Седено Роджастан 5:0 есебімен басым түскен еді. Сонымен қатар, Алуа Балқыбекова (50 кг), Виктория Графеева (60 кг), Аида Әбікеева (63 кг), Наталья Богданова (70 кг) және Елдана Талипова (+81 кг) жартылай финалға жолдама алды.