Тамызда бірнеше облыста құрғақшылық болуы мүмкін

«Қазгидромет» РМК тамыз айына арналған құрғақшылық болжамын шығарды, деп хабарлады Elordainfo.kz.

Еліміздің оңтүстігінде жаздың соңында құрғақшылықтың жоғары ықтималдығы сақталады.

Алдын ала есептеулер бойынша тамыз айында бірқалыпты құрғақшылық күтіледі:

• Батыс Қазақстан облысының Жаңғала және Қаратөбе аудандарында;
• Ақтөбе облысының Шалқар және Ыргыз аудандарында;
• Қостанай облысының Амангелді және Жангелді аудандарында;
• Қарағанды облысында Ақтоғай және Шет аудандарында;
• Абай облысының Аягөз және Үржар аудандарында;
• Алматы облысының Балқаш, Жамбыл және Еңбекшіқазақ аудандарында;
• Жетісу облысының Қаратал, Панфилов, Кербұлақ және Алакөл аудандарында;
• Қызылорда облысының Қазалы, Қармақшы, Шиелі аудандарында және Қызылорда қаласында;
• сондай-ақ, Жамбыл, Түркістан және Ұлытау облыстарының басым бөлігінде;
• Павлодар облысының Ақтоғай және Железинка аудандарында:
• Солтүстік Қазақстан облысының Жамбыл және М.Жұмабаев ауданындарында бірқалыпты ылғалды жағдайлар болжанады.

«Елдің қалған аумақтарында ылғалдану жағдайлары нормаға жуық болады деп күтілуде»,- делінген хабарламада.