LRT бойында демалыс аймақтары мен велосипед жолдары пайда болады

Астанада қала инфрақұрылымын дамытып, тұрғындарға ыңғайлы қоғамдық кеңістіктер жасау жұмыстары жалғасып жатыр, деп хабарлады Elordainfo.kz.

Урбанистика орталығының мәліметінше, биылғы басты жобалардың бірі – LRT бойындағы абаттандыру және көгалдандыру. Бұл жоба Қабанбай батыр даңғылы мен Қалдаяқов көшесін қоса алғанда, қаланың маңызды учаскелерін қамтиды.

Негізгі жұмыстар:

• Қабанбай батыр даңғылы: Әуежайдан Мәңгілік Ел даңғылына дейінгі аумақта көгалдандыру жүргізіледі.
• Сығанақ көшесі: Қабанбай батыр даңғылынан Тәуелсіздік даңғылына дейінгі бөлігіне ерекше көңіл бөлінеді. Мұнда жаңа ағаштар отырғызылып, велосипед жолдары мен заманауи көше жиһазы орнатылады.
• Шәмші Қалдаяқов көшесі: Highvill Ishim және Monaco Residence тұрғын үй кешендерінің маңында абаттандыру жобасы жүзеге асырылады.
• Қоғамдық кеңістіктер: LRT-тің Mega Silk Way СОО, ботаникалық бақ және «Поколение» тұрғын үй кешені маңындағы негізгі аялдамалары жанында жаңа демалыс аймақтары пайда болады.

«Бұл жобалар қаланы жайлы, жасыл және заманауи етіп, тұрғындарға демалуға және уақыт өткізуге арналған тартымды орындар ұсынуды көздейді»,- деп жазылған хабарламада.